„ენა ცოცხლდება — ისტორია და ემოცია"

14–17 აპრილს სალიბაურის მე-2 საჯარო სკოლამ ოთხდღიანი შემოქმედებითი პულსით იცხოვრა — ქართული ენის კვირეული- „ენა ცოცხლდება — ისტორია და ემოცია", სიტყვას ახალ სიცოცხლეს ანიჭებდა. აქ ენა აღარ იყო მხოლოდ საგანი — ის იქცა სცენად, ფერად, ხმასა და ბრძოლად.
პირველმა დღემ ასოები გააცოცხლა: პერფორმანსებმა, სახელოსნოებმა და დებატებმა აჩვენა, რომ ენა ერთდროულად არის მეხსიერებაც და არჩევანიც. 1978 წლის 14 აპრილის გახსენებამ კი მკაფიოდ დაგვანახა — ენა თავისუფლების ფასად დაცული ღირებულებაა.
მეორე დღე კვლევისა და ტექნოლოგიის სივრცედ იქცა: მოსწავლეებმა აღმოაჩინეს, გააანალიზეს და შექმნეს — ხელნაკეთი წიგნებიდან ხელოვნურ ინტელექტამდე. კონფერენციაზე ქართული ენა განიხილეს როგორც წარსულის მემკვიდრეობა და მომავლის გამოწვევა.
მესამე დღეს ენა ხელოვნებად გადაიქცა — ასოები დაიხატა, სიტყვა გაჟღერდა, კალამმა კი სამყარო შექმნა.
ფინალმა ყველაფერი გააერთიანა: „ცოცხალმა" კედლებმა, სიტყვების ხემ, ციფრულმა კუთხემ, ლიტერატურულ-მუსიკალურმა კომპოზიციამ, ძალიან ემოციურმა სცენამ ერთხმად თქვა — ქართული ენა ცოცხალია, როცა მას ვქმნით, ვუფრთხილდებით და ვაზიარებთ.

https://canva.link/wshgunzkgq0cvgm